SirJee მულტიმედია პროდიუსერის, კინორეჟისორისა და არაერთი მუსიკალური ნაწარმოების ავტორ-შემსრულებელის სერგი გვარჯალაძის ახალი აუდიო-ვიზუალური პროექტია. პირველი სიმღერა – FAKETIVISTS, ეფუძნება საველე ჩანაწერებს, რომლებიც 2009 წელს ინდოეთის კერალასა და დასავლეთ ბენგალის შტატებში ტერიტორიის კვლევის დროსაა გადაღებული. ვიდეოში ნაჩვენებია მებრძოლები, რომლებიც ვარჯიშობენ კალარიპაიატუს კერალადან. ტრეკში CRUZRWAYT რეპ აკაპელაა გაჟღერებული.
Faketivism ახალი რემიქსების EP-ის თიზერია, რომელიც 2023 წლის მარტში გამოიცემა Leno Records-ზე და ხელმისაწვდომი იქნება ყველა ციფრულ პლატფორმაზე.
*ფეიქტივიზმი (Faketivism) ტერმინია, რომელიც აღნიშნავს ზედაპირულ ან არაგულწრფელ აქტივიზმს, სადაც ინდივიდების ან ორგანიზაციების მთავარი მოტივაცია არა მნიშვნელოვანი ცვლილებების მოტანა, არამედ საკუთარი სარგებელი ან სათნოდ გამოჩენაა. ფეიქტივიზმი ხშირად მოიცავს პერფორმაციულ მოქმედებებს ან სიმბოლურ ჟესტებს, როგორიცაა ჰეშთეგის გამოყენება ან პროფილის სურათის შეცვლა, ფაქტობრივად მოქმედების ან ძირითადი საკითხების გადაწყვეტის გარეშე.